【香港調酒】調酒師身上嘅型爆開瓶器，你見過未？
Hello大家好!唔知大家去到酒吧，有冇見過調酒師經常喺開啤酒嘅時候，會攞出一支長長哋扁身嘅嘢發下發下呢？係喇！嗰枝就係樽裝啤酒開瓶器(Bottle Opener)喇，時至今日開瓶器有好多唔同嘅外型設計，今日就同大家簡單介紹一下常見嘅幾款啦！
1. Speed Opener 速度開瓶器
依款係最早期嘅標準款式，算係長扁形開瓶器嘅始祖，設計上主要針對開樽速度而做出尼，可以喺一個好短嘅時間內成功開到啤酒，而且因為佢外型長扁形，令調酒師容易放喺身上隨時攞出尼用，非常方便。
2. Dog Bone Opener 狗骨開瓶器
狗骨開瓶器其實就係速度開瓶器嘅改良版本，中間位收窄左變成狗骨形狀，令到用手揸住嗰時更加容易發力去開酒，狗骨形狀又比較討好冇咁死板，所以好多調酒師都會選擇用狗骨款式，其次開瓶器嘅一邊會有圓形窿口，窿口亦好貼心配上膠圈，用作調酒師喺開樽前發幾下花式尼型吓嘅，膠圈功能主要係保護手指冇咁易界傷，總之就正嘢啦！
購買Dog Bone Opener狗骨開瓶器: https://www.walnutiron.com/product-page/speed-opener
3. V-ROD Opener V形凹槽開瓶器
屬於狗骨開瓶器嘅變化版本，主要係喺圓形窿口增加一個V形凹槽，增加一個額外功能，用尼方便攞走酒樽上嘅倒酒器(pourer)，行外人應該唔係好明白依個功能，因為平時我哋酒吧入邊常用嘅酒會插上一個倒酒器，但依個倒酒器插左入去有時好難抽返出尼，所以依個V形凹槽主要係針對呢個部份，一般人係好少用到依個功能嘅，其次要留意返，依個V形凹槽放咗喺圓形窿嗰位置，導致多咗個凹位，如果你係希望之前所講玩花式發下發下的話，就建議唔好用依款開瓶器，用返狗骨就可以了。
4. 其他款式開瓶器
除咗以上三款大路款式外，仲有其他比較少人用嘅款式，依啲額外款式主要係形狀古怪啲或者細支啲咁樣，所以我就唔詳盡介紹喇。
-Hammerhead Opener鎚仔頭開瓶器
-Knuckle Opener手指握形開瓶器
-Colossal Opener 加長開瓶器
-Mini Opener 迷你開瓶器
以上就係全世界大部份嘅調酒師開瓶器選擇，希望大家亦能夠搵到自己心儀嘅一支開瓶器啦，多謝大家觀看依個分享，可以的話喺右下角刷個心心支持一下喔，感恩。
購買Dog Bone Opener狗骨開瓶器: https://www.walnutiron.com/product-page/speed-opener
若想深入了解調酒技巧或購買調酒工具,可參觀以下我們的相關連結哦。