調酒長知識

【香港調酒】做出一個成功的專業表演,需要黃金鐵三角!!

今日我地講吓大部份成功表演嘅共同要素-黃金鐵三角!依三隻角不只是對花式調酒表演,佢仲可以用喺任何面對有觀眾的場合,例如演講、推銷方案、影片廣告、其他任何類型表演。。。

究竟做出專業表演的黃金鐵三角係乜? 1)外觀 2)技術 3)內容 我地主要係做花式調酒表演,所以就用尼做解釋看看吧!


從佢地嘅外觀就知道係大名星吧

1. 第一隻角 - 外觀 外觀是給觀眾第一感覺的,非常重要!如果第一感覺唔好,即使之後表演可以,亦會打咗折扣,外觀不只是指人,還有背景及道具,一切都直接影響整個表演。


客觀例子問題: 你願意花多少錢去買容祖兒演唱會門券呢?那你又願意花多少錢給街頭藝人做表演呢?


例子解說:

事先講明,唔係要把街頭藝人講低,因為市場上青菜蘿蔔各取所需嘛,但係我地要知道嘅係兩者外觀分別在哪裡,正正就是對應以上我所說的人、背景和道具,當然如果係獨立藝人是比較困難做到專業的外觀,一般都是需要與經理人公司簽約合作。


困難動作用在比賽取分數,但表演無需要冒險吧

2. 第二隻角 - 技術 技術比好多表演者誤解為技巧困難度,這就大錯特錯了,其實技術不需要太花巧困難,尤其喺香港表演花式調酒,因為一般香港人好少機會睇到花式調酒,所以大多都不太理解,所以我所指的技術是指如何流暢地順利完成表演的技巧。


客觀例子問題: 若你是剛認識數學的人,面對加減和乘除,你會覺得哪個比較容易理解呢? 一個正常唱功的歌手順利完成表演,另一個專唱高難度歌曲卻成日走音,你是老闆的話會請哪位歌手為你註唱呢?


例子解說: 一般娛樂表演上的觀眾係希望睇到一個流暢、歡樂嘅表演,首要條件係睇得明個表演者做緊乜先,所以為了達求目的,一般表演者都會捨難取易,漂亮地完成表演,做得靚靚仔仔地離場,相反可能一個難動作的失誤,破壞整場表演的完成度,何苦呢?觀眾只會睇到你的失誤而覺得你流流地吧。


表演內容豐富做出表演生命

3. 第三隻角 - 內容 講內容可以好廢話的一句,做個豐富的內容就可以了,咁點先算豐富呢?不同項目上有不同豐富內容的元素,但總括依然,可以把主題僭建出額外的娛樂元素便是了,好空泛哦,看看下面例子思考一吓吧。


客觀例子問題: 一位歌手開演唱會,由頭到尾唱出他的多首歌曲至完埸,而另一名歌手的演唱會除了唱歌,還有熱舞一番,仲玩埋beat box,又配合不同道具演出,邀請了多名嘉賓參與表演,那你覺得那個歌手的演唱會比較豐富呢?



例子解說: 相信大部份正常人都會比較願意購買第二位歌手的演唱會吧,為什麼?正正就是我講的主題僭建,看看一些調酒比賽,不論花唔花式都好,睇第一個參賽者還可以,但睇到第二三四五六個參賽者,會感覺好悶哦!因為他們都只是做出主題,沒有突破,全個比賽最吸引你留下印象的參賽者,他一定做出一些與眾不同的行為,正正就是主題僭建的目的,這樣你了解嗎?豐富內容就是看你怎樣突破主題。



講到依度,希望大家從黃金鐵三角中,設計出你最強的表演,祝大家成功! 若對花式調酒有興趣學習,可參加我們以下的花式調酒課程哦

-WALNUT IRON最佳花式調酒入門速成班

-FLAIR IRON一對一教學專業花式調酒課程


27 次瀏覽

HONG KONG

0