【香港調酒】白紙一張，喺香港想做調酒師點樣入行呢？
今次又一個大熱門題目，網上好多人都會問，究竟如果係白紙一張，點樣先可以入到去酒吧做呢?老實講其實唔使諗到好復習好難，因為香港飲食業本身就長期唔夠人用，所以大部份入職要求都唔會超高，更可況大部份公司都出唔起錢請個好勁嘅人，咁樣講你係未立刻個人覺得有信心好多呢，所以如果你個人唔係古靈精怪，基本上要入行做調酒師係易到冇朋友嘅。
第一樣嘢要攪清楚先
酒吧分幾種，你究竟想做乜嘢類型嘅調酒師先，下面列咗香港最大路嘅酒吧類型，你先揀咗自己鍾意嘅先啦。
COCKTAIL BAR - 主力做雞尾酒，環境清靜舒適。
SPORT BAR - 好多部電視播球賽嗰D，啤酒為主，少少COCKTAIL，環境好熱鬧。
WINE BAR - 主力做紅白酒，冇乜賣COCKTAIL咁濟，環境清靜舒適。
WHISKY BAR - 主力做威士忌，亦有些會賣雪茄，環境清靜舒適。
CRAFT BEER BAR - 淨賣手工啤酒，多數冇其他酒賣，環境唔嘈唔靜。
劈埸 - 香港獨有產業，啤酒威士忌SHOOTER為主，猜枚環境好熱鬧好嘈。
餐廳BAR - 食嘢為主，一般餐廳飲品，晚市亦多各類酒精，環境唔嘈唔靜。
點解要揀?因為每個人想玩嘅飲品都唔同，而唔同嘅埸需要做唔同類型嘅飲品，所以揀啱好重要，即係話如果你想專攻死一類飲品，未揀COCKTAIL BAR WHISKY BAR WINE BAR嗰d囉，想乜都學吓未揀SPORT BAR 餐廳BAR嗰d啦，仲有環境都好重要，因為喺酒吧内長期工作，如果唔嘈得嘅朋友就千其唔好揀嗰d熱鬧酒吧喇，以免攪到自己吖嘛。
第二樣嘢大家想知
d酒吧請人有乜要求㗎?就係要睇吓你揀乜嘢酒吧尼見喇，頭先講比較專注做一樣嘢嘅酒吧通常都要有基本酒水要求，例如做WINE BAR咁都起碼要知道普遍嗰幾種提子呀常見酒莊呀之類，做COCKTAIL BAR通常都好例牌問吓你d雞尾酒知識呀，或者直頭叫你做杯飲品睇吓呀，所以如果你真係白紙一張就見議你去揾d大路d嘅酒吧尼見就容易好多，但你話真係好想真接做COCKTAIL BAR咁點攪，嗱嗱嗱!係你比機會我地賣廣告㗎，尼我地道報個課程先啦，學完後唔會令你立刻變做世界冠軍，但起碼對調酒一定大大大大大了解，去見工唔會比人問到口都啞先啦，唔想花錢點攪呢?非常簡單，一係去見大路酒吧由低做起慢慢學，一係睇睇我地另一文章"我想喺香港學調酒有乜途徑呢？"，攪掂!!
最後你又會問
咁即係喺邊道揾到呀?入行其實尼唔開一係自己揾或者介紹㗎啦，自己揾可以上求職網搵到，打BARTENDER或調酒師，多到見到你唔見為止，網上見到嗰d所謂要求其實有走盞位，如果唔係相差太遠就照問啦，多數都照叫你去見，唔好比佢恐到，又或者去d酒吧街行個圈加d勇氣，直接入去問請唔請人都可以㗎，問吓啫又唔會死，仲乜唔試吓主動d呢，我包你有收獲，至於朋友介紹就好易攪啦，真係好少衰㗎!
見工時注意一下，其實見調酒師工作，知識唔係首要，因為調酒師經常接觸客人，所以見工嗰個人會留意你溝通能力呀，説話技巧呀，外表整唔整齊會唔會甩皮甩骨呀，總之盡量顯示到你主動親切易話為就通常成功㗎喇，知識方面就同人工成正比，就係咁簡單。祝大家早日成功加入我地香港調酒大家庭啦，以上意見希望幫到你地吖。
若想了解我們的調酒課程或購買調酒工具,可參觀以下我們的相關連結哦。