【香港調酒】作為花式調酒專業表演者，連舞台燈光都要知，唔係掛!!
利害喇！！今日講嘅題目好似唔關花式調酒事，但細想一下，好多人玩花式都希望自己登上舞台做表演，當你登上舞台嘅時候就會發現林林總總嘅燈光令到你好唔適應，又或者去影一啲宣傳相嘅時候，攝影師總係用幾盞閃光燈殘住你，WHY?其實目的就係要令你成為主角，但有時你好想表達俾燈光師或者攝影師知某一盞燈太殘眼，你又唔識表達乜燈係乜燈，感覺就會太業餘吧，所以今次我簡單講解一下我哋經常遇到嘅燈光設置，等你認識最基本嘅說法，成為一個專業嘅舞台表演者吧。
第一盞燈-面燈
當你企上舞台最殘住你嘅一盞燈，通常會喺舞台前面嘅上方打落你道，目的就係要比觀眾睇清楚你個人同做緊乜。
第二盞燈-側燈
你前邊有面燈為你照亮，但你左右兩邊黑萌萌不是很古怪嗎，所以顧名思義令到主角左右兩邊有光，同時亦可因應角度打造主體立體感，令主角更加漂亮。
第三盞燈-背景燈
當面燈打在你身上時會背景板會出現強烈陰影，背景板上面一般印有主題或是公司logo，如果俾你嘅陰影造成黑色一疊野擋住，不是太好吧，所以就要用背景燈打返光個背景令你嘅陰影減退。
第四盞燈-背燈
一般會放在舞台較後位置相反方向射在你背脊，目的就係要有一道光勾劃返你嘅身體輪廓出嚟，等你同個背景唔會疊在一起，增加前後立體感，明白嗎。
講到呢度平時基本嘅燈就依幾盞，當然係專業舞台燈光仲有好多款燈，例如頂燈、follow燈、各式各樣嘅效果燈之類，但我哋作為表演者亦冇需要去考究那些燈怎樣設置，除非你想做埋燈光師個位吧，燈光設置每個燈光師都唔一定一樣，亦會因唔同嘅場地大小而不一，所以我哋要知道嘅就係一啲基本常見嘅燈點樣同燈光師去溝通就足夠了。
今次依個額外資訊主題就講到依度吧，希望想成為專業表演者嘅你有幫助啦，補充一句，我唔係專業燈光師如果以上講嘅不完全正確唔好罵我喔，可以嗎？

若對花式調酒有興趣學習，可參加我們以下的花式調酒課程哦!