調酒長知識

【香港調酒】年紀大手腳唔靈活學花式調酒點搞好?當然有秘技啦!


香港好多人都想學好花式調酒,行內人學尼就想變得與眾不同做個全能bartender,行外人就覺得尼個項目比較型同特別,但基於花式調酒屬於運動類別,所以喺後生嗰時學一定有着數,但如果你係年紀比較大,或手腳唔協調嘅話,究竟有乜嘢方法比較容易學識呢?

學花式調酒提議1

係你啱啱開始學花式調酒嘅第一步,千其唔好自訂一個專業冠軍級嘅標準做目標,否則多數失敗!當你學一啲基礎動作時,先唔好將所有動作串連做一整套,應該將每個動作分開逐一練習,再細緻啲嘅話可以將單一個動作拆開每個小技巧去練,當你練到每個動作都可以流暢做到出嚟,先至將所有動作串成一套去練習,成功率一定大增,同時會對自己建立到信心繼續去學新動作。

學花式調酒提議2

喺繁忙嘅香港大部份人都返工做餐死,所以練習花式調酒冇固定時間,依個亦係學唔成嘅致命原因,所以極度建議大家一定要規劃好練習時間,初級入門動作唔需要好多時間,每日花十分鐘至半個鐘時間應該完成,每個基本動作練習二十次就可以,至於每星期花幾多日去練就因人而異,最少一日吧,總之定立好固定練習時間不論多定少,有keep住郁好過冇郁。

學花式調酒提議3

第三個提議主要針對行內人,將成功「學識」嘅動作實際喺酒吧度做,唔需要不停拋,每做一杯cocktail用一兩個基本花式就可以了,既然你都學得花式又做酒吧,有咁好嘅實戰機會,又可以增加貼士收入,點解唔做呢!全世界識玩花式嘅調酒師都係用依個方法開始,你平時睇YouTube見到佢哋好勁,咪又係一開始同你一樣由基本做起,即係話只要你肯郁,你就將會成為其他人眼中好勁嘅調酒師,就係咁簡單!

今次嘅分享就到依一道喇,用依三個方式去玩一定事半功倍,香港花式調酒加油!若對花式調酒有興趣學習,可參加我們以下的花式調酒課程哦!

-WALNUT IRON最佳花式調酒入門速成班

-FLAIR IRON一對一教學專業花式調酒課程

48 次瀏覽

HONG KONG

0