調酒長知識

【香港調酒】調酒師能利用花式增加幾千蚊人工?

大家好!依個議題相信一般調酒師都會有興趣知道,始終涉及每月人工收入好重要嘛,先跟大家報告一下,香港調酒師人工現時平均一般約一萬七八左右,以一個專業人員尼講真係勁低!相信大家亦有同感,但事實既然改變唔到,咁唯有另尋方法將自己收入增加吧,不然等公司每年加嗰幾舊水人工就死得啦,對不對?所以花式係其中一個最直接嘅選擇咯。


點解花式可以增加收入呢? 一般調酒師收入除咗每月人工外,仲會有每日貼士,每月人工既然固定咗,就唯有係貼士道着手咯,簡單直接吧!舉個例子,當你入到一間餐廳,廚師為你提供一款美食,埋單時你會比貼士嗎?五蚊?十蚊?廿蚊?唔比?應該係因人而異吧,但總括而言都係有限貼士,主要係因為「沒有額外驚喜」,喺餐廳食到好嘅食物同得到好嘅服務係本身應該有的,呢個唔係bonus,換言之相反尼講,就好似你入到一間鐵板燒餐廳,廚師在你面前利用他的專業花式烹調技巧,為你精心炮製,而你同時亦會由頭睇到尾依個廚師比你嘅額外烹調表演,自不然你會多咗一份額外喜悅,從而喺埋單時你會比多啲貼士嗎?廿蚊?五十蚊?一百蚊?幾百蚊?當然幾百蚊的話,除非個客係有錢人吧,但總括尼講應該會比正常嘅多出最少一倍以上,所以用花式調製飲品亦有一模一樣嘅功能性,喺調製嘅同時比客人多一份額外驚喜娛樂,從而獲得多多嘅貼士,開心吧!


花式玩成點先夠做呢? 花式調酒其實分幾個種類,事實上喺香港酒吧入面,利用最簡單嘅花式尼製作飲品,已經非常足夠好犀利,只要喺製作飲品時做出一兩個小花式動作,就可以比客人一種與眾不同嘅感覺同驚喜而達到目的,當然你再玩得好少少就更加利害啦,以我哋學生群入面,喺酒吧入邊幫客人用花式做飲品,大部份每位客人都會比廿蚊至一百蚊貼士,每日如果十個客嘅話就增加最少二百蚊哦,但實際其實應該唔止依個數,就當係依個數當你返每月廿六日工,人工就多咗五千二蚊,依個數字唔知啱唔啱你胃口,但對於一般香港調酒師尼講相信係非常可觀,重申一點,香港酒吧唔需要複雜花式,只需要簡簡單單嘅花式就做到依個效果,可以嗎?


講到花式咁好,有弊處嗎? 當然有利亦有弊,實際上我哋玩花式冇可能每次都100%成功,有時會失手,當客人見到你失手嘅時候要識得執生,否則反感指數大升,相信客人一蚊貼士都嫌多,仲會投訴你危險,之後經理幫你照照肺,以後冇得玩花式,可憐!所以玩花式嘅獲益非常極端,做得好你就係全場主角,做得衰你就係害群之馬,所以比以下建議提示一下大家要注意嘅地方。 1. 酒吧內必需有軟膠地氈 2. 酒吧活動範圍與花式動作範圍成正比例 3. 每個花式動作必須有90%把握才使用 4. 以簡單的花式動作來製作飲品 5. 每杯飲品一兩下花式便可,不需不停拋接


用花式調酒可以針對三個對象同時獲益: 1. 顧客-獲得額外娛樂 2. 調酒師-獲得額外豐富貼士 3. 酒吧老闆-獲得客人數量增加

希望以上嘅分享可以幫助到大家增加收入啦,祝各位工作上開開心心,香港調酒加油!! 若對花式調酒有興趣學習,可參加我們以下的花式調酒課程哦!

-WALNUT IRON最佳花式調酒入門速成班

-FLAIR IRON一對一教學專業花式調酒課程


54 次瀏覽

HONG KONG

0