【香港調酒】香港學花式調酒成唔成功，要睇依三點!!
大家好，我係WALNUT IRON嘅製作人EDMUND YIP，同時亦係一位花式調酒愛好者，今次想同大家分享一下係香港成功學習花式調酒嘅三個重點，希望能夠幫助大家哦。
1. 練習時間
好多人會問玩得好花式調酒要用幾多練習時間呢，依點確實冇一定嘅答案，係因為每個人對花式調酒動作嘅領悟能力不一樣，但要成功有一個共通點「練習」，咁究竟要練幾耐呀？廢話一句-越耐越好嘛，當然我知道大家喺香港生活工作時間篇長，因此我建議大家可以用最短時間作為基本練習，即係點做呢？如果你係一個入門新手，我建議你每一日把每個新學的動作做20次，每日最多做五個新動作練習合共100次，咁樣會花好多時間嗎？我老實同你講，15分鐘內一定完成，即係話每日只需花10幾分鐘掂下個樽就必定有成效，大家懂我意思嗎？不會太困難吧！
2. 動作思考
依一個部份就是講點樣透過思考更快學到一個新花式調酒動作，要詳細去講依點可以長篇大論，但這篇文章作為一個分享我就長話短說吧，第一樣留意就係個動作嘅起手位置，如果起手位置唔啱，你點樣去做都會覺得古古怪怪，第二樣留意全個過程物件的移動狀況，會唔會唔穩定斜左或者到達唔到你想佢去嘅位置，當你發現物件帶動未如理想時，十居其九都係帶動時間不足導致，如果以上依兩點做得好你仍然覺得好古怪，我老實話你聽，唔係個花式古怪，係你個人有古怪，古怪喺邊度呢？你留意吓自己玩花式時個身體係咪唔穩定，又或者個人成日彎低腰去做動作，試試改一改腰骨直啲個人唔好左右擺，應該會有幫助，當然如果依三點冇問題但你仍然發覺做唔到個動作或者覺得好古怪，就當我賣你廣告吧，參加我哋嘅花式調酒班，因為確實好多花式調酒動作要現場做出嚟先知道個細節問題係邊，好嗎。
3. 練習地方
喺香港學花式調酒最困難最困難嘅一點就係地方問題，係我學生群入面，有人會喺屋企預留一個小房間作為練習，亦有人會到工廠大廈租一個單位作為練習室，誇張嗎？在我而言真的相當誇張，可能我是窮人吧，那怎樣解決呢？推薦你兩個地方，如果你係九龍人，尖沙咀中間道公園係最佳首選，萬一你係香港人，我之前就試過喺維園入邊練習到天光，依兩個地方除咗係公園仲有一個特點要注意，一般來講係要夜晚凌晨12點後先可以俾你去練習花式調酒的，因為日頭時間太多小朋友玩耍，公園保安員一定把你擊退，而凌晨時間因為已經冇人，保安員一般都隻眼開隻眼閉費事睬你，由得你練習吧。
以上就係我今次為大家分享嘅成功學習花式花式三個重點，希望能夠幫助到大家，預祝大家開心成功學習到手！若對花式調酒有興趣學習，可參加我們以下的花式調酒課程哦!